Rubén Abad (Cró!, Trilitrate, Es Un Árbol, Orquestra da Metamovida), Elena Vázquez (Trilitrate, Suelen Estar Quartet, Orquestra da Metamovida) e Toño Magariños (diola, Unicornibot, Marrones Burócratas, Orquestra da Metamovida) xuntan forzas acústicas nun proxecto belo e sinxelo coma a vida mesma. Vivindo baixo a influencia de Nick Drake, Kiev Cuando Nieva, Fajardo, Richard Dawson, Alberto Montero, Syd Barret e outros artistas dese territorio emocional, están a construír un mundo de cancións que xiran en torno á beleza.